دەنگی دەستگیرکراوانی کورد و ئێرانی لە ڕاپۆرتێکدا ڕایگەیاند، دەوڵەتی ئێران لە چوارچێوەی هەڵمەتە بەردەوامەکانی بۆ سەرکوتکردنی ئازادییە ئاینییەکان، سێ ژنی پەیڕەوی ئاینی بەهایی بە ناوەکانی بەشار مستەفەوی، ناهید نەعیمی و دیدار ئەحمەدی ڕەوانەی گرتووخانەی کرمان کرد.
لە ڕاپۆرتەکەدا هاتوە، هەر یەکێک لەم ژنانە، کە خەڵکی شارۆچکەی ڕەفسەنجانن، سزای چوار مانگ زیندانییان بە سەردا سەپێندراوە. ئاشکرایشی‌کردووە، یەکێک لەو ژنە سزادراوانە دووگیانە و ئەمەش مەترسییەکی جددیی لە سەر تەندروستیی خۆی و کۆرپەکەی دروست کردووە.
ڕێکخراوەکە ئاماژەی بەوەکردووە، هەرچەندە ئەم سی ژنە پێشتر لەلایەن دادگای تاوانەکانەوە بە بێتاوان ناسرابوون، بەڵام بەهۆی تانەی داواکاری گشتییەوە سزا دراون.