گوته‌بێژی كۆشكی سپی ڕایگه‌یاند، دیموكراته‌كان ڕق و كینه بڵاو ده‌كه‌نه‌وه و هۆكاری كێشه‌كانی ئێستان.
كارۆلین لیڤیت، گوته‌بێژی كۆشكی سپی له كۆنفرانسێكی ڕۆژنامه‌نووسیدا گوتی، كه‌سانێك هه‌ن ده‌یانه‌وێت توندوتیژی بڵاوبكه‌نه‌وه، به‌ڵام ئێمه ڕێگه به‌وه ناده‌ین.
ئاماژه‌ی به‌وه‌شكرد، پێویسته دیموكراته‌كان ئه‌و شته بكه‌ن، كه سه‌رۆك تره‌مپ داوای ده‌كات.
كارۆلین باسی له‌وه‌شكرد، پێشتریش چه‌ند هه‌وڵێك هه‌بوون بۆ كوشتنی سه‌رۆك تره‌مپ، له كاتی هێرشه‌كه‌ی ڕۆژی شه‌ممەش بێ ئه‌وه‌ی زیانی پێ بگات، سه‌رۆك گوازرایه‌وه بۆ شوێنێكی پارێزراو.