سەحەر مەهدی، هاوڵاتیی شاری سەقز، لەلایەن هێزەکانی ئیدارەی ئیتلاعاتەوە دەستبەسەر کرا و بۆ شوێنێکی نادیار گواسترایەوە.
ئەم دەستبەسەرکردنە بەبێ پیشاندانی هیچ جۆرە بەڵگەیەکی یاسایی ئەنجام دراوە و تا ئێستا هۆکاری دەستگیرکردنەکەی ڕانەگەیەنراوە.
بە گوێرەی ڕاپۆرتی ڕێکخراوەکانی مافی مرۆڤ، پێنجشەممەی ڕابردووهێزەکانی ئیدارەی ئیتلاعات هەڵیانکوتاوەتە سەر ماڵی سەحەر مەهدی لە شاری سەقز و ناوبراویان دەستبەسەر کردووە.
باس لەوە دەکرێت دەستگیرکردنەکە بەبێ پیشاندانی هیچ بەڵگەیەکی یاسایی و دادوەری لەلایەن هێزە ئەمنییەکانەوە بووە.
لە دوای دەستبەسەرکردنییەوە تا ئێستا، هیچ زانیارییەک لەسەر ئەو تۆمەتانەی ئاراستەی کراون و هەروەها شوێنی ڕاگرتنی لە بەردەستدا نییە. بەدواداچوونی بنەماڵەکەی بۆ زانینی چارەنووسی کچەکەیان تا ئێستا بێ ئەنجام بووە.
سەحەر مەهدی لە شاری سەقز دەستبەسەر کرا
