بەیانی ئەمڕۆ، درۆنێک لە گەڕەکی قالاوەی شاری سلێمانی کەوتەخوارەوە، بەهۆیەوە منداڵێک بریندار بووە و زیانی مادیش بە چەند ماڵێک گەیشتووە.
بەگوێرەی زانیارییەکان، کاتژمێر 7:40 بەیانى ئەمڕۆ، درۆنێک لە ئاسمانى شارى سلێمانی سوڕاتەوە و دواتر کەوتووه‌ته خوارەوە، ڕووداوەکە لە گەڕەکی قالاوەی شاری سلێمانی بووە و بەهۆیەوە منداڵێک بریندار بووە.
شەوی ڕابردووش لەڕێگەی سێ درۆنەوە هێرش کرایە سەر فەرماندەیی هێزەکانی 70ـی هێزەکانی پێشمەرگە لە سلێمانی و هێرشەکان پووچەڵ کرانەوە و هیچ زیانێکی گیانییان نەبوو.