دانیشتووانی پێنجوێن ڕەتیدەکەنەوە پرۆژەی ڕوناکی لەو قەزایە جێبەجێ بکرێت و دوێنی ڕێگەیان نەدا کارمەندانی پرۆژەکە لە کارەکانیان بەردەوام بن.
ئەمڕۆش لە بەیانی زووەوە دەستیان بە مانگرتن و خۆپیشاندان کرد، زۆرینەی کاسبکاران دوکانەکانیان نەکردەوە و ژمارەیەکی زۆر لە دانیشتووانی قەزاکەش خۆپیشاندانیان کرد.
دانیشتووانی پێنجوێن دەڵێن پێویستە لە جێبەجێکردنی پرۆژەی ڕوناکیدا، ڕەچاوی تایبەتمەندیی جوگرافییان بۆ بکرێت، چونکە وەک خۆیان دەڵێن، ناوچەکەیان زۆر ساردە و پێویستی بە خەرجکردنی بڕێکی زۆر کارەبا هەیە، نرخی پرۆژەی ڕوناکیش بە زۆر دەزانن و ڕتیدەکەنەوە.