دۆناڵد ترەمپ، سەرۆکی ئەمریکا، لە پەیامێکدا لە تۆڕی کۆمەڵایەتیی "ترووس سۆشیاڵ" پێشوازی لە واژۆکردنی "ڕێککەوتنی بەرگریی هاوبەشی مەکە" کرد، کە لەلایەن وڵاتانی عەرەبستانی سعوودی، تورکیا و پاکستانەوە ئەنجام دراوە.
ترەمپ لە پەیامەکەیدا ڕایگەیاند کە زۆر خۆشحاڵە بەم هەنگاوە و جەختی لەوە کردەوە کە ئەم ڕێککەوتنە دەریدەخات چۆن ناوچەی ڕۆژهەڵاتی ناوەڕاست بەرەو یەکگرتن هەنگاو دەنێت و وڵاتانی ناوچەکە دەتوانن بە شێوازێکی کاراتر بەرگری لە خۆیان بکەن.
هەروەها سەرۆکی ئەمریکا پیرۆزبایی لە سەرکردایەتیی هەر سێ وڵاتەکە کرد و ئەم ڕێککەوتنەی بە هەنگاوێکی یەکەمی گەورە، بوێر و گرنگ وەسف کرد.