پارتی ئازادیی کوردستان (پاک) ڕایگەیاند، بارەگا و بنکە سەربازییەکانیان لە ڕێگەی چوار درۆنی بۆمبڕێژکراوەوە کراونەتە ئامانج.
بەپێی ڕاگەیەندراوێکی پارتی ئازادیی کوردستان، هێرشەکان درۆنی بوون و کراونەتە سەر بارەگای "چەمشار"ی سپای میللیی کوردستان و بنکەی "پاکشار"ی پارتی ئازادیی کوردستان لە ناوچەکەدا.
لە ڕاگەیەندراوەکەدا ئاماژە بەوەش کراوە کە تاوەکو ئێستا زانیاریی تەواو و فەرمی لەسەر قەبارەی زیانە گیانی و ماددییەکانی هێرشەکە نەزانراوە و بەدواداچوونەکان بۆ خەمڵاندنی زیانەکان بەردەوامن.