هاوکات لەگەڵ بەردەوامیی ڕێوڕەسمی بەخاکسپاردنی عەلی خامنەیی، ڕێبەری کۆماری ئیسلامیی ئێران، یسرائیل کاتز، وەزیری بەرگریی ئیسرائیل بە فەرمی بەرپرسیارێتیی وڵاتەکەی لە کوشتنی خامنەیی ڕاگەیاند و هۆشداریی توندی دایە هەر سەرکردەیەکی داهاتووی ئێران کە هەوڵی زیانگەیاندن بە ئیسرائیل بدات.
وەزیری بەرگریی ئیسرائیل ڕایگەیاند: "خامنەیی لەلایەن ئیسرائیلەوە کوژرا، چونکە پلانی بۆ لەناوبردنی ئیسرائیل داڕشتبوو و دەستی پێکردبوو. هەر سەرکردەیەکی دیکەی ئێرانیش کە جارێکی دیکە پلانی هاوشێوە دژی ئێمە دابڕێژێت، شکست دەهێنێت و ڕووبەڕووی هەمان چارەنووس دەبێتەوە."
یسرائیل کاتز لە لێدوانەکانیدا تیشکی خستە سەر دروشمەکانی ناو ڕێوڕەسمی بەخاکسپاردنی ڕێبەری پێشووی ئێران و ڕایگەیاند:
سروشتی ڕژێمی ئێران: دروشمەکانی بەشداربووانی ڕێوڕەسمەکە کە داوای تۆڵەسەندنەوە لە دۆناڵد ترەمپ، سەرۆکی ئەمریکا دەکەن، سروشتی ڕاستەقینە و نەگۆڕی ڕژێمی تاران نیشان دەدەن.
بەرگریی تەنیایی: ئیسرائیل هێشتا لە دۆخی ئامادەباشیی تەواودایە؛ لە بەرامبەر هەر هەڕەشەیەکی ئەمنیی یان سەربازیدا، ئامادەیە تەنانەت بە تەنیاش بێت بەرگریی لە سەروەریی خۆی بکات.