تەلەفیزۆنی ئیخبارییەی سعودی بڵاویکردەوە، دوێنی چوارشەممە کاروانێکی ئۆتۆمبێلی سەربازیی ئیسرائیل، کە ژمارەیان 30 ئۆتۆمبێل دەبوو، لە ناوچەی تل ئەحمەری باشوری رۆژهەڵاتی قونەیتەرەوە چونەتە سوریاوە و ئۆپراسیۆنێکی گەڕانیان لە گوندی عەین زیوان ئەنجامداوە.
هەروەها ئاژانسی هەواڵی ساناش دەڵێ، هێزەکانی ئیسرائیل گەیشتونەتە نزیک گوندی باریقە لە قونەیتەرە، شوانێکی گەنجیان رفاندووە و بە ئۆتۆمبێلیش کێڵگەیەکی سەوزە و میوەیان تێکداوە.
بەگوێرەی ئامارێکی رێکخراوی شوێن و کاتی پێکدادانی هێزەکان، ئیسرائیل ساڵی رابردوو زیاتر لە 600 هێرشی بە درۆن و تۆپباران کردووەتەسەر ناوچەکانی سوریا.