پارتی ژیانی ئازادیی کوردستان -پژاک، بڵاویکردەوە، کرێکارانی بە هێزی بنەڕەتیی ئافرێنەری ژیان و پارێزەری سروشتن و پایەی ڕاستەقینەی کۆمەڵگەیەکی ئازادن.
پارتی ژیانی ئازادیی کوردستان -پژاک، بە بۆنەی 1ـی ئایار، ڕۆژی جیهانیی کرێکاران، ڕاگەیەندراوێکی بڵاوکردەوە و تێیدا دەڵێت، سیستەمی سەرمایەداری و بەکارهێنانی نادروستی زیرەکیی دەستکرد، بوونەتە هۆی زیادبوونی بێکاری و چەوساندنەوەی مۆدێرن.
گوتوشیانە، لە ئێران و ڕۆژهەڵاتی کوردستان، بەهۆی سیاسەتە سەرکوتکارییەکان و تەرخانکردنی بودجە بۆ جەنگ و چەک، بژێویی کرێکاران لە دۆخێکى سەختدایە.
باسلەوەشکراوە، داوا دەکەین هەموو توێژە ستەملێکراوەکان لە بەرەیەکی یەکگرتوودا بۆ ئازادی و دادپەروەری تێبکۆشن.
لە کۆتایدا هاتووە، داواکارین تێکۆشانەکان بۆ ئازادیی عەبدوڵا ئۆجەلان و چارەسەری پرسی کورد بگەیەنرێنە لوتکە.