کاتژمێر 08:00ـی بەیانیی ئەمڕۆ، پڕۆسەی دەنگدان بۆ هەڵبژاردنی ئەندامانی ئەنجومەنی گەلی سوریا لە پارێزگای حەسەکە دەستیپێکرد و بڕیارە تاوەکو کاژێر 12:00ـی نیوەڕۆ بەردەوام بێت.
نزیکەی 550 ئەندامی دەستەکانی هەڵبژاردن لەسەر ئاستی پارێزگاکە دەنگ بۆ دیاریکردنی کاندیدەکان دەدەن.
لەم هەڵبژاردنەدا 9 کورسی بۆ پارێزگای حەسەکە تەرخانکراون کە پێکهاتوون لە 3 کورسی بۆ حەسەکە، 4 بۆ قامیشلۆ و 2 بۆ دێرک، لە کاتێکدا بۆ ناوچەی کۆبانێش 2 کورسی دەستنیشانکراون.
بڕیاریشە کاژێر 12:00ـی نیوەڕۆدا سندووقەکانی دەنگدان لەلایەن لیژنەی دادوەرییەوە بە شێوەیەکی ڕاستەوخۆ بکرێنەوە و دوای جیاکردنەوەی دەنگەکان ئەنجامەکان ڕابگەیێندرێن.