ئەحمەد کەرەمی، پارێزگاری ئیلامی رۆژهەڵاتی کوردستان رایگەیاند، بەهۆی هێرش و بۆردوومانەکانی ئەم دواییەی ئەمریکا و ئیسرائیل بۆ سەر ناوچە جیاوازەکانی پارێزگاکە، زیانێکی زۆری ماددی بە ژێرخانی نیشتەجێبوون و بازرگانی کەوتووە و زیاتر لە شەش هەزار یەکە زیانیان بەرکەوتووە.
بەپێی گوتەکانی پارێزگاری ئیلام، تیمەکانی ئاوەدانکردنەوە سەرقاڵی خەمڵاندنی قەبارەی زیانەکانن.
کەرەمی ئاماژەی بەوە کرد: "تەنیا لە کەرتی نیشتەجێبووندا، 380 یەکە زیانیان پێگەیشتووە، کە لەو ژمارەیە 155 یەکەیان بە تەواوی وێران بوون و پێویستیان بە دووبارە بنیادنانەوە هەیە."
پارێزگاری ئیلام جەختی لەوەش کردەوە، دوای تەواوبوونی پرۆسەی خەمڵاندن لەلایەن تیمە تایبەتەکانەوە، قۆناغی نۆژەنکردنەوە و قەرەبووکردنەوەی ئەو شوێنانە دەستپێدەکات کە بوونەتە ئامانجی بۆردوومانەکان.
ئەمە لەکاتێکدایە، کە ناوچە سنوورییەکانی رۆژهەڵاتی کوردستان لە ئەنجامی گرژییەکانی ناوچەکەدا رووبەڕووی زیانی گیانی و ماددی بوونەتەوە.
