سمکۆ ناکام نوسەر و دەرهێنەری دیاری شانۆیی و بەرهەمهێنەری خولە چەخماخە و لانەوازان لە تەمەنی 76ساڵیدا کۆچی دواییکرد.
ئەمڕۆ یه‌كشه‌ممه 5ـی نیسان، سمکۆ ناکام نوسەر و هونەرمەندی گەورەی بواری شانۆی کوردی، لە تەمەنی 76 ساڵیدا و پاش چەند ساڵێک لە نەخۆشکەوتنی لە نەخۆشخانەیەکی وڵاتی ئەڵمانیا کۆچی دوایکرد.
سمکۆ ناکام کە کوڕی نوسەر و چالاکوانی سیاسیی کورد سەعید ناکامە، جگه لە شانۆ هاوكات نوسەرێکی چالاکبووە لە بوارەکانی ئەدەبی و کۆمەڵایەتیدا.
ژیانی هونەریی ناکام هەر لە سەرەتای تەمەنی و گەنجییەتییەوە سەریهەڵداوە و تێکەڵ بە جیهانی شانۆی کوردیی بووە و جێپەنجە و کاریگەریی خۆی لەسەر بوارەکە داناوە و لەنێو خەڵکدا ناسراوە.
(خولەچەخماخە، لانەوازان، بەیتی ڕێزانکێ، گوڵعومەر، گوڵە مێخەک، ئەشرەفی شەریف) لەو بەرهەمانەن سكمۆ ناكام كاری دەرهێنانی بۆ كردوون.