ڕوانگەی سوریی بۆ مافەکانی مرۆڤ ڕایگەیاند، هەتا ئێستاش پرۆسەی بڕینەوەی داره‌كانی عەفرین لەلایەن گروپە چەکدارەکانی سەر بە تورکیا، بەردەوامە و سرووشتی ناوچەکە ڕووبەڕووی مەترسییەکی گەورە بووەتەوە.
بەگوێرەی زانیارییەکانی ڕوانگەی سوری، کە لە زاری هاوڵاتیانی دانیشتووی عەفرین ئاشکرای کردووە، دارەکانی دارستانی (خالیدیە) لە نزیک گوندی ترەندە لە عەفرین، ڕۆژانە دەبڕدرێنەوە و تاڵان دەکرێن. ڕوانگەکە ئاماژەی بەوە کردووە، سەرەڕای ئاشکرابوونی ئەم پێشێلکارییانە، لایەنە بەرپرس و پەیوەندیدارەکانی ناوچەکە، هیچ هەنگاوێکیان بۆ ڕێگریکردن لەم تاوانە نەناوە و هیچ دەستوەردانێکیان نەکردووە بۆ وەستاندنی بڕینەوەی دارستانەکان.
له دوای داگیركردنی عه‌فرین له لایه‌ن سوپای توركیا و گروپه چه‌كداره‌كانه‌وه، به‌شێكی زۆری داره زه‌یتونه‌كانی عه‌فرین و ده‌وروبه‌ری بڕدران و تاڵانكران.