کۆتابەشە زەیت بۆ ساڵی ڕابردوو دابەشدەکرێت و بەرپرسێکی بەڕێوبەرایەتی دابەشکردنی خۆراکی سلێمانیش دەڵێت لە نزیکتری کاتدا دەست بە دابەشکردنی بەشەزەیتی ئەمساڵ دەکرێت.
بەڕێوەبەری دابەشکردنی خۆراک لە سلێمانی ڕایگەیاند، دابەشکردنی زەیتی مانگی 8ـى 2025 لە قۆناغی کۆتاییدایە و بەم نزیکانە دەست بە دابەشکردنی بەشە زەیتێکی دیکە دەکەن.
کامەران فەتاح بەڕێوەبەری بەڕێوەبەرایەتی دابەشکردنی خۆراک لە سلێمانی بە نوچە تی ڤی ڕاگەیاند: هەشتەمین بەشە زەیتی ساڵی ڕابردوو لە دەرەوەی سلێمانی دابەشکراوە و لە هەفتەی داهاتوودا کۆتایی بە پرۆسەکە دێت.
ئاماژەی بەوەشکرد: ئەو بەشە زەیتەی دابەشدەکرێت کۆتا بەشە زەیتی ساڵی 2025 دەبێت و دوابەدوای ئەوەش ڕاستەوخۆ دەست بە دابەشکردنی یەکەمین بەشە زەیتی ئەمساڵ دەکرێت.