دەزگای دژەتیرۆری عێراق ئەو هەواڵانەی ڕەت کردەوە کە لە هەندێک لە تۆڕە کۆمەڵایەتییەکاندا سەبارەت بە دەستگیرکردنی حەشدی شەعبی بڵاو کرابوونەوە.
دەزگاکە لە ڕاگەیەندراوێکدا جەختی لەوە کردەوە کە ئەوان دەزگایەکی پیشەیی و تایبەتمەندن و بەپێی فەرمانە دادوەرییەکان و ڕەزامەندیی نووسینگەی فەرماندەی گشتیی هێزە چەکدارەکان کار دەکەن.
هەروەها داوای لە هاووڵاتییان کرد کە تەنها پشت بە پلاتفۆرمە فەرمییەکانی دەزگاکەیان ببەستن بۆ وەرگرتنی زانیاری و هەواڵەکان.