ڕێکخراوی مافی مرۆڤی ڕۆژهەڵاتی کوردستان و هیومان ڕایتس وۆچ لە ڕاگەیەندراوێکدا هۆشداریى لە دۆخی هەزاران زیندانیکراو و زیندانیی سیاسی لە ئێران و ڕۆژهەڵاتى کوردستان دەدەن و داوای ڕاگرتنی لەسێدارەدانى زیندانیان دەکەن.
ئاماژەبەوەشکراوە، زیندانیانی سیاسی ڕووبەڕووی هەڕەشەی دوو لایەنە دەبنەوە، لە لایەک هەڕەشەی هێرشی سەربازیی ئەمریکا و ئیسرائیل و لە لایەکی دیکەشەوە پێشێلکاری بەربڵاوی مافی مرۆڤ لەلایەن دەسەڵاتدارانی ئێرانەوە، لەوانەش لەسێدارەدانی بەکۆمەڵ یان لە دەرەوەی دادگا و نهێنی سزا دەدرێن.
دەشڵێن، دەسەڵاتدارانی ئێران ئامادە نین دیلەکان لە حاڵەتی شەڕدا ئازاد بکەن و هەڵمەتى دەستگیرکردنى بەکۆمەڵ و ئارەزوومەندانەی چالاکوانان و هاووڵاتیانیش کارەکەی قورستر کردووە.
باسلەوەشکراوە، داوا لە نەتەوە یەکگرتووەکان دەکەین فشار بخاتە سەر ئێران بۆ ئەوەی دەستبەجێ زیندانیانی سیاسی ئازاد بکات و سزاى لەسێدارەدان ڕابگرن.