سەرۆکی ئەمریکا ڕایگەیاند، بەمزوانە جه‌نگی ئێران کۆتایی دێت، چونكه زۆربه‌ی ئامانجه‌كانیان به ده‌ستهێناوه.
دۆناڵد تڕەمپ لە چاوپێکەوتنێکی لەگەڵ ئاژانسی ئەکسیۆس ئاماژەی بەوەکردووه، هۆکاری نزیکبوونەوەی کۆتایی شەڕ ئەوەیە، هیچ شتێک لە ئێران نەماوەتەوە، تاوەکو بکرێتە ئامانج، ئەمە وەک ئاماژەیەک بۆ تێکشکانی تەواوەتی ژێرخانی سەربازی و ئەتۆمی و پیشەسازیی ئەو وڵاتە دەبینرێت.
سەرۆکی ئەمریکا گوتی، حکومەتی ئێران چاوی لە هەموو ڕۆژهەڵاتی ناوەڕاست بوو، ئێستا باجی ئەو 47 ساڵەی مەرگ و وێرانییە دەدەنەوە کە دروستیان کردبوو.
ترەمپ جەختی کردەوە، ئەمە تۆڵەسەندنەوەیە و ڕایگەیاند، بەو ئاسانییە ڕزگاریان نابێت.