شەوی ڕابردوو، جارێکی دیکە گرژی و ئاڵۆزی لە قەزای خەبات سەر بە پارێزگای هەولێر ڕووی دا و ژمارەیەک لە چەکدارانی عەشیرەتی هەرکی لە گوندی گردەڕەشە کۆبوونەوە و لە ڕێگەی تەقەکردن بە ئاسماندا پەیامی ناڕەزاییان دەربڕی.
بەگوێرەی زانیارییەکان و ڤیدیۆ بڵاوبووەکان لە تۆڕە کۆمەڵایەتییەکان، لایەنگران و چەکدارانی عەشیرەتی هەرکی داوای ئازادکردنی خورشید هەرکی دەکەن و هەڕەشەی ئاڵۆزبوونی دۆخی ناوچەکە دەکەن ئەگەر کێشەکە بە زوویی چارەسەر نەکرێت.
لە بەرامبەر ئەو پەرەسەندنەدا، هێزێکی زۆری زێرەڤانی و ئاسایش بە چەکی جۆراوجۆر ڕەوانەی گوندەکە کراون و شوێنەکەیان گەمارۆ داوە بۆ کۆنتڕۆڵکردنی دۆخەکە و ڕێگریکردن لە هەر گرژییەکی زیاتر.