حکومەتی فیدراڵ و حکومەتی هەرێمی کوردستان لەسەر دۆسیەی مووچەی فەرمانبەرانی هەرێم و یەکخستنی داهات و ڕێکارە گومرگییەکان گەیشتنە لێکتێگەیشتنی کۆتایی.
وتەبێژی حکومەتی عێراق ڕایگەیاند، بەغدا و هەولێر سەبارەت بە پرسی مووچەی فەرمانبەرانی هەرێمی کوردستان گەیشتوونەتە لێکتێگەیشتن و کێشەکە بەرەو چارەسەر دەچێت.
هاوکات، ئەنجومەنی وەزاری بۆ ئابووری عێراق چەند بڕیارێکی گرنگی سەبارەت بە دەروازە سنوورییەکانی هەرێمی کوردستان دەرکرد:
داخستنی دەروازە نافەرمییەکان: پێکهێنانی لیژنەیەکی هاوبەش لە نێوان بەغدا و هەولێر بەمەبەستی پشکنین و داخستنی تەواوی ئەو دەروازە سنوورییانەی لە هەرێمی کوردستان بە نافەرمی کاردەکەن.
یەکخستنی ڕێکارە گومرگییەکان: ئامادەکردنی نامیلکەیەکی یەکگرتوو بۆ لێخۆشبوونە گومرگییەکان بە هەماهەنگی و هاوبەشی لە نێوان هەردوولادا.
کۆکردنەوەی داهات: ئاراستەکردنی پێشنیازی هاوبەشی هەردوو حکومەتی فیدراڵ و هەرێم سەبارەت بە شێوازی کۆکردنەوەی داهاتی دەروازە سنوورییەکان بۆ ئەنجومەنی وەزیرانی عێراق بەمەبەستی بڕیاردانی کۆتایی.