نێردەی دیپلۆماسیی ویلایەتە یەکگرتووەکانی ئەمریکا لە عێراق لەڕاگەیەنراوێکدا دەڵێت، هیوای سەرکەوتن بۆ سەرۆکوەزیرانی ڕاسپێردراو، عەلی زەیدی دەخوازن.
لە ڕاگەیەنراوەکەدا هاتووە، هیوادارین عەلى زەیدى، لە میانەی کارکردنیدا بۆ پێکهێنانی حکومەتى نوێ توانای بەدیهێنانی خواستەکانی سەرجەم هاوڵاتیانی عێراقی هەبێت بۆ داهاتوویەکی گەشتر و ئارامتر.
ئاماژە بەوەشکراوە، پاڵپشتی لە خەڵکی عێراق دەکەن، بۆ بە دیهێنانی ئامانجە هاوبەشەکانی پاراستنی سەروەریی عێراق و چەسپاندنی ئاسایشێک کە خاڵی بێت لە تیرۆر.
ئەوەش هاتووە، هیواخوازن سەرۆکوەزیران کاربکات بۆ بونیادنانی داهاتوویەکی خۆشگوزەران کە ببێتە مایەی سوودی بەرجەستە بۆ هاوڵاتیانی ئەمریکی و عێراقی.