Serokê Herêma Kurdistanê Nêçîrvan Barzanî serdana Tehranê kir. Nêçîrvan Barzanî hem bi Wezîrê Karên Derve yê Îranê Abbas Iraqçî, hem jî bi Serokê Parlamentoya Îranê Baqir Qalîbaf re civiya.
Di civîna bi Baqir Qalîbaf re giringî û pêşxistina peywendiyên Îraq û Başûrê Kurdistanê yên li gel Îranê hat niqaşkirin.
Rewşa herêmê û geşedanên herî dawî, mijareke din a civînê bû.
Di derbarê vê de her du aliyan tekezî li ser girîngiya parastina ewlehî, aramî û çareserkirina aştiyane kirin.
Her wiha di civîna bi Abbas Iraqçî re, peywendiyên Îranê hatin nirxandin.
Her du aliyan giringî dan rawestandina şer, bi awayekî ku xizmeta berjewendiyên gelên herêmê bike.
© 2026 – NÛÇE TV Hemû maf parastî ne. Nûçe Rastî ye