Di demekê de ku Pêvajoya Aştî û Civaka Demokratîk berdewam dike û di sal û nîveke borî de ji aliyê Rêberê Damezîrîner ê PKK'ê ve gavên curbecur hatine avêtin, ji hikûmetê gavên berbiçav tê hêvîkirin.
Qanûna çarçoveyî, ku Rêberê Damezrîner ê PKK'ê wekî "qanûna bingehîn" bi nav kir, dê piştî civîna NATO' yê ya li Enqerê di 7-8'ê Tîrmehê de pêşkêşî Parlamentoyê were kirin.
Piştî nirxandina di komîsyonan de, pêşnûmeya qanûna çarçoveyî dê di civîna parlamentoyê de were nîqaşkirin.
Li gorî Ajansa Jin News`ê ku xwe dispêre çavkaniyên DEM Partî diyar kir ku di serdana Girava Îmraliyê ya di 25'ê Gulana 2026'an de, Abdullah Ocalan, Şandeya Îmraliyê û rayedarên dewletê li ser pêşnûmeya qanûna çarçoveyî nîqaş kirine.
Ji bo pêvajoyê bi AKP'ê re sê civîn hatine lidarxistin
Heman Çavkaniyê ragihand ku Rêberê Damezrîner ê PKK'ê pêşniyarên xwe pêşkêş kirine û piştî vê civînê, Şandeya Îmraliyê sê civînên din bi partiya desthilatê, AKPê re li dar xistine.
Çavkaniyê diyar kiriye ku, "Di van hemû civînan de, hikûmetê gotiye:
'Em qanûneke berfireh amade dikin, xebata me berdewam dike, em ê vê pêşnûmeyê di demeke nêzîk de bi we û partiyên din re parve bikin, ji ber vê yekê bisekinin."
Çavkaniyên DEM Partiyê: Nûçeyên xwe disipêrên derdora desthilatê ne rast in
Her wiha çavkaniyê berdewam kir û got ku ew ji ber nûçeyên ku ji hêla çavkaniyên nêzîkî hikûmetê ve der barê naveroka qanûnê de hatine çêkirin, aciz bûne.
Dema ku ev hemû nîqaş berdewam dikirin, me dît ku nivîskar û dezgehên medyayê yên nêzîkî hikûmetê naverokên ku dikarin wekî xeternak û pirsgirêk werin hesibandin diweşînin; ku qanûn dê were dabeşkirin, ku ew ê bêyî bêcezatiyê ji bo rêberan efûyek nebe, wê serkirdeyên sereke yên PKKê ji vê qanûnê sûd negrin.
Lê hem PKKê û hem jî şandeya DEM Partiyê nerazîbûna xwe anîn ziman.
Hat ragihandin ku rayedarên dewletê wan îdiayan derewandiye.
