Karesateke sirûştî ya nişka ve li yek ji navendên tûrîstî yên herî navdar ên Dewletên Yekbûyî yên Amerîkayê rû da. Desteya Parkên Neteweyî ragihand ku ji ber rûdana lehiyeke mezin a ku piştî bahoz û barana gur a li devera "Bright Angel Canyon" û derdora "Phantom Ranch"ê dest pê kir, fikarên mezin li ser jiyana gelek kesan hene.
Rayedaran daxuyand ku tîmên hawarçûnê di nav tevgerê de ne û daxwaza alîkariyê ji gel dikin daku zanyariyan li ser zêdetirî 20 kesên ku piştî vê karesatê winda bûne an jî çarenûsa wan ne diyar e, berhev bikin. Berî ku fikarên li ser windayan zêde bibin, tîmên rizgarkirinê karîbûn herî kêm 62 geştyar û meşvanan bi awayekî serkeftî ji herêmên metirsîdar derxin û ber bi cîhên ewle ve bibeşînin.
Hêza lehiyê zirarên pir giran gihandin binesaziya parkê. Ava rabûyî hemû pirên peyayan ên ku li ser rûbara "Bright Angel" hatibûn avakirin rûxandin, ku ev yek bû sedema qutbûna rêya meşvanan û astengkirina derbasbûna wan a ber bi aliyê din ê rûbarê ve. Her wiha rûbara avê ji ber zexta lehiyê berfirehtir bû û wekî rûbareke nû ya herikbar li herêmê rû da.
Rayedar hişyarî didin ku metirsiya baranê û bahozên nû hîn berdewam dike, ku dibe bibe sedema herikîna heriyê, ketina zinaran û guherîna tund a mercên lîman û rêyên peyayan li navçeyê.
