Piştî ku derfet ji bo taximên Rûsî hat dayîn ku beşdarî pêşbirkan bi al û sirûda xwe bibin, Tîma avjeniyê ya jinan a Rûsyayê di maça xwe ya yekem de, li hember tîma Arjantînê bi skora 33-11 serkeftinek bi dest xist.
Ev maç di çarçoveya pêşbirkên asta duyemîn a Kûpaya Cîhanê de, ku li Maltayê hate lidarxistin, hat organîzekirin.
Rûsya û Almanya tên beramberî hev
Îro Tîma neteweyî ya Rûsyayê di maça din a turnuvayê de, bi tîma Almanyayê re rû bi rû dimîne.
Lijneya Rêveber a Federasyona Navneteweyî ya Avjeniyê di 13'ê Nîsanê de biryar da ku destûrê bidin werzişvanên ji Rûsya û Belarûsyayê ku bi al û sirûda xwe ya neteweyî beşdarî pêşbirkan bibin.
Berevajî vê, neh welatên ji Bakurê Ewropayê li dijî vê biryarê derketin û bi fermî îtîraza xwe pêşkêşî Federasyona Avjeniyên Ewropayê kirin.
