Ji ber cezayên Federasyona Footbalê ya Tirkiyê alîgirên Amedspor li stadyomê amade nebûn.
Amedspor bi hêz daket û di xuleka 32'yan de, lîstikvanê wê Dia Saba gola destpêkê anî û nîva yekem bi encama 1-0 bi dawî bû.
Amedspor serweriya xwe di nîva duyem de berdewam kir û di xuleka 46an, gola duyem bi riya Dia Saba anî.
Dia Saba di xuleka 61ê de, hattrick kir û encam bû 3-0.
Di xuleka 71ê de, lîstikvanê Bekir Turaç Bokebi, gola Sivassporê ya yekem bi riya penaltiyê anî û encam bû 3-1.
Amedspor paş de neçû û di xuleka 85an de, gola çaremîn bi riya Daniel Moreno anî.
Di xulekên maçê yên dawî de, Luan Campos gola Sivassporê ya duyem anî û maç bi encama 4-2 bi dawî bû.
Amedspor bi vê encamê puanên xwe derxistin 4an û derket rêza 9an.