پەرلەمانی ئێران دوای 82 ڕۆژ دابڕان بەهۆی بارودۆخی ئەمنییەوە، بڕیارە یەکەم کۆبوونەوەی خۆی لە دوای هێرشەکانی ئەمریکا و ئیسرائیل بە شێوەی ڤیدیۆ کۆنفرانس ئەنجام بدات.
عەباس گودەرزی، گوتەبێژی دەستەی سەرۆکایەتی پەرلەمانی ئێران ڕایگەیاند، بڕیارە ڕۆژی یەکشەممە 10ـی نیسانی 2026، پەرلەمانی ئێران بۆ یەکەمجار لە دوای دەسپێکی هێرشەکانی ئەمریکا و ئیسرائیل بۆ سەر ئەو وڵاتە کۆببێتەوە.
گودەرزی دەشڵێت، کۆبوونەوەکە لە ڕێگەی ڤیدیۆ کۆنفرانسەوە - ئۆنلاینەوە بەڕێوەدەچێت. ئەمەش لە کاتێکدایە کۆتا کۆبوونەوەی ئاشکرای پەرلەمان نزیک سێ مانگ پێشتر بووە. هۆکاری ئەم دواکەوتنە و پەنابردن بۆ کۆبوونەوەی ئۆنلاین بۆ "پرسە ئەمنییەکان" گەڕێنراوەتەوە.
ئەنجومەنی شارەزایانی ڕێبەرییش، دوای کوژرانی عەلی خامنەیی، لە ڕۆژی یەکەمی جەنگدا، پڕۆسەی دەنگدان بۆ هەڵبژاردنی ڕێبەری نوێی بە شێوەی ناڕاستەوخۆ و لە دوورەوە بەڕێوەبرد.
ئەوەش لە کاتێکدایە، بڕیار بوو لە سەرەتای ئەم هەفتەدا دەوام لە ئێران ئاسایی ببێتەوە.