گوته‌بێژی حکومەتی هەرێمی کوردستان ڕایگەیاند، هیچ گرفتێك له به‌رده‌م ناردنی موچه‌ی مانگی چواردا نییه و له لایه‌ن به‌غداوه ڕه‌وانه ده‌كرێت.
پێشەوا هەورامانی گوتەبێژی حکومەتی هەرێمی کوردستان ئەمڕۆ سێشەممە به میدیاكانی پارتی گوتووه، کێشە تەکنیکییەکانی لیستی موچەی فەرمانبەرانی هەرێمی كوردستان چارەسەر کراون، له لایه‌ن وه‌زاره‌تی داراییه‌وه وردبینی له لیسته‌كاندا كراون و ڕەوانەی بەغداد کراون.
گوتیشی، چاوەڕوان دەکرێت دوای دەستپێکردنی دابەشکردنی موچە لە لایەن حکومەتی فیدراڵەوە، موچه‌ی فەرمانبەرانی هەرێمی کوردستانیش ڕەوانە بکرێت و هیچ گرفتێك له ناردنیدا نییه.