بەهۆی ناڕوونییەکان پەیوەست بە دۆخی گەرووی هورمز و مانەوەی دانوستانەکانی نێوان ئەمریکا و ئێران، نرخی نەوت جارێکی دیکە بەرزبووە.
ئەمڕۆ پێنجشەممە 9ـی نیسانی 2026، نرخی نەوتی برێنت دوو دۆلار و 60 سەنت بەرزبووەوە و بە 97 دۆلار و 35 سەنت مامەڵەی پێوە دەکرێت.
نرخی نەوتی سوکی تەکساسیش سێ دۆلار و دوو سەنت بەرزبووەوە و بە 97 دۆلار و 43 سەنت مامەڵەی دەکرێت.
ئەمە لە کاتێکدایە، بەرەبەیانی 8ـی نیسانی 2026، بەهۆی ڕاگەیاندنی ئاگربەست لە نێوان ئێران و ئەمریکا نرخی نەوت دابەزینێکی بەرچاوی بەخۆیەوە بینی. بە جۆرێک نرخی نەوتی برێنتی لە 110 دۆلارەوە دابەزی بۆ 93 دۆلار. تەنانەت بۆ ماوەیەک نرخی نەوتی برێنت نزیکبووەوە لە 91 دۆلار.