بەڕێوەبەرایەتیی تەندروستیی دهۆک رایگەیاند، شاندێکی پزیشکانی بێسنووری سویسرا، بە مەبەستی سەردانیکردنی رۆژاڤا، گەیشتە دهۆک. سەردانی شاندەکە بۆ پێشکەشکردنی یارمەتی و دروستکردنی هەماهەنگی لە نێوان بەڕێوەبەرایەتی و تیمەکانی تەندروستییە.
بەگوێرەی راگەیاندراوەکە، ئەمڕۆ دکتۆر پیێر بوولێت، بەرپرسی فریاگوزاریی ڕێکخراوی پزیشکانی بێسنووری سویسرا، بە یاوەری شاندێک، سەردانی بەڕێوەبەرایەتی گشتیی تەندرووستیی دهۆکی کرد .
شاندی پزیشکانی بێسنوور ئاشکرای کرد، دوای ڕووداوەکانی ڕۆژئاوای کوردستان، بە مەبەستی ئاگاداربوون لە ڕەوشی تەندرووستیی و هەماهەنگی و ئامادەکارییە پێویستەکان، سەردانەکەیان ئەنجام داوە.
بەڕێوەبەرایەتیی تەندرووستیی دهۆکیش وتی، ئامانجی سەردانی شاندەکە، درووستکردنی هەماهەنگی لەنێوان تەندروستیی دهۆک و تیمەکانی پزیشکانی بێسنوور، لەکاتی هەر ڕووداوێکی نەخوازراو لە ڕۆژاڤای کوردستانە.