دەستەی کەشناسیی و بومەلەرزەزانیی عێراق ڕاپۆرتێکی لە بارەی بومەلەرزەکانی مانگی ڕابردوو بڵاوکردەوە و بەگوێرەی داتاکان 36 بومەلەرزە لە تەواوی ئەو وڵاتە تۆمارکراون.
داتاکان نیشانی دەدەن، چەقی زۆربەی بوومەلەرزەکان وڵاتانی دراوسێ بووە و گوڕەکانیان لەنێوان یەک بۆ پێنج پلەی ڕێختەر و قووڵاییشیان لە نێوان پێنج بۆ 39 کیلۆمەتردا بووە.
بەگوێرەی ڕاپۆرتەکە، لە کۆی ئەو 36 بومەلەرزە کە عێراقیان هەژاندوە، ناوەندی 16یان هەرێمی کوردستان و عێراق بووە و 20ـەکەی دیکەش لە وڵاتانی دراوسێ بووە.
ئەوەشی ئاشکرا کردووە، لەو 16 بومەلەرزەیەی عێراق، هەشتیان لە سنوری سلێمانی بوون و دوای ئەویش سنووری نەینەوا دێت کە سێ بومەلەرزە تێیدا ڕوویداوە. هەروەها هەریەک لە سنوورەکانی هەولێر و دهۆک دوو بومەلەرزە و لە خانەقینیش یەک بومەلەرزە تۆمار کراوە.
لە ڕاپۆرتەکەدا هاتووە، چەقی 10 لەو بومەلەرزانەی عێراقیان هەژاندوە، ڕۆژهەڵاتی کوردستان و ئێران بووە، نۆ دانەشیان لە باکوری کوردستان و تورکیا و یەک دانەشیان لە ڕۆژاڤای کوردستان بووە.