ڕێکخستنی دەم پارتی و کۆمەڵەی کرێکارانی ڕیسایکڵینی ئەستەنبوڵ سەرکۆنەی ئەو هێرشە ڕەگەزپەرستییانەیان کرد کە لە ناوچەکانی زۆنگولداک و دوزجە دژ بە کرێکارانی کشتوکاڵیی کورد ئەنجام دران.
مستەفا ئای، بەرپرسی کۆمەڵەی ڕیسایکڵین لە ئەستەنبوڵ، لە گردبوونەوەیەکدا بۆ پشتگیریی کرێکاران ڕایگەیاند کە هێرشەکان ڕووداوی تاکەکەسی نین، بەڵکو سیستەماتیکن و تێکۆشان دژ بە ڕەگەزپەرستی بەرپرسیارێتیی تەواوی کۆمەڵگەیە.
هاوکات نیهال تاش، بەڕێوەبەری ڕێکخستنی دەم پارتی لە کادیکۆی، ئاماژەی بەوە دا کە بەم هێرشانە هەوڵ دەدرێت ڕەنج و ماندووبونی کرێکارانی کورد بخورێت.
لای خۆیەوە کەزبان کۆنوکچو، پەرلەمانتاری دەم پارتی لە ئەستەنبوڵ، جەختی لەوە کردەوە کە کرێکارانی کورد و کۆچبەران ژیانیان پارێزراو نییە و بەردەوام رووبەڕووی توندوتیژی دەبنەوە.