باڵیۆزخانەی ئەمریکا لە بەغداد، داوا لە هاوڵاتیانی ئەمریکی و فەرمانبەرانی باڵیۆزخانەکەی دەکات لە عێراق، بە وریاییەوە مامەڵە بکەن و جوڵەیان سنوردار بکەن.
باڵیۆزخانەكه داواشی لە فەرمانبەرانی كردووه، ئەو فەرمانبەرانەیان توانای کارکردنیان لە ماڵەوە هەیە، تا کاتێکی نادیار، کارەکانیان لە ماڵەوە ئەنجام بدەن.
باڵیۆزخانەی ئەمریکا لە بەغداد، جەختیشی کردووەتەوە لەوەی، بەردەوام دەبن لە بەدواداچونەکانیان لە بارەی هەڕەشەکانی سەر بەرژەوەندییەکانی ئەمریکا لە عێراق.