وەزارەتی دەرەوەی پاکستان بڵاویکردەوە، گەشبینین بە واژۆکردنی ڕێککەوتنی نێوان تاران و واشنتۆن کە ئەگەرێکە جێبەجێکردنى نزیکە، بەڵام متمانەی هەردوو لایەنمان پاراستووە و وردەکارییەکانى ئاشکرا ناکەین.
وەزارەتی دەرەوەی پاکستان لە ڕاگەیەندراوێکدا ئاماژەى بەوەکردووە، گەشبینین ئەمریکا و ئێران بگەنە ڕێککەوتن لەبارەى کۆتایهێنان بە گرژییەکانى نێوانیان و وڵاتەکەشمان ئامادەیە بۆ میوانداریکردنی ئەو ڕووداوە مێژووییە گرنگە.
دەشڵێن، ئەگەری واژۆکردنی ڕێککەوتنێک لە نێوان واشنتۆن و تاران هەیە، بەڵام ئێمە وردەکارییەکان لەبارەى ناوەڕۆکەکەى ئاشکرا ناکەین .
گوتوشیانە، شانازییە بۆ پاکستان ئەگەر ڕێککەوتنەکە لەسەر خاکی ئێمە واژۆ بکرێت و لە ئێستاشدا هەموو ئاماژەکان بەو ئاڕاستەن کە کۆتایی بە گرژییەکان بهێندرێت.