لەگەڵ گەرمبوونی کەش و هەوا چیاکانی کوردستان ڕەنگا و ڕەنگ دەبن شاخ و دەشتەکان کە بەهۆی بارانبارینی ئەم دواییە سەوز بوون، ئێستا بە گوڵی جۆراوجۆر ڕازاونەتەوە و ئەم گوڵانە، بە سێبەری وەنەوشەیی و سپی و پەمەیی، هەم لە گوندەکان و هەم لە شاخەکاندا دەپشکون و لەگەڵ هاتنى وەرزى بەهاردا دەگەشێنەوە.
هەروەها، لە دێرسیم و بەتلیس و هەکاریشدا لەگەڵ توانەوەی بەفردا چەندین جۆرى تایبەتى گوڵ گەشە دەکەن لە هەمانکاتدا نێرگزیش گەشە دەکات بەوەش چەندین ڕەنگى جیاوازى گوڵەکان جوانیەکى بێ ئەندازە دەبەخشنە ناوچەکە.
لە ناوچەکانى پاسور، لیجە و فارقین لە ئامەد، هاوڵاتیان بە بینینى ئەم دیمەنە سەرنجڕاکێشانە سەرسام بوون و بەهۆیەوە ژمارەیەکى زۆرى گەشتیاران سەردانى ناوچەکە دەکەن.
