دان کەین ڕایگەیاند، ئێران لە رێگەی داخستنی گەرووی هورمز ئابووریی جیهانی بەبارمتە گرتووە. گوتیشی، ئامادەین جەنگ لە دژی ئێران دەستپێبکەینەوە ئەگەر پێویست بکات.
دان کەین، سوپاسالارى ئەمریکا لە کۆنگرەیەکى ڕۆژنامەنوسیدا ڕایگەیاند، ئێران یاسای دەریاوانی پێشێل کردووە و تەقەکردنی هەڕەمەکییمان لەلایەن ئێرانەوە تۆمارکردووە.
گوتیشى، نامانەوێت لەگەڵی ڕووبەڕوو ببینەوە، بەڵکودەمانەوێت پارێزگاری لە هاتوچۆی دەریاوانی لە گەرووی هورمز بکەین.
دەشڵێت، هێرشەکانی ئێران تا ئێستا نەگەیشتوونەتە ئەو ئاستەی کە پاڵنەر بێت بۆ دەستپێکردنەوەی جەنگ، بەڵام ئەگەر پێویست بکات بۆ ئەو هەنگاوە ئامادەین.