بەڕێوەبەری گشتیی ڕێکخراوی تەندرووستی جیهانیی هۆشداریدا لەوەی ململانێکان لە ڕۆژهەڵاتی ناوەڕاست گەیشتووەتە قۆناغێکی مەترسیدار و جەختىیکردەوە، بە ئامانجگرتنی شوێنە ئەتۆمییەکان مەترسییەکی گەورە بۆ سەر تەندرووستیی گشتی و ژینگە درووست دەکەن.
تیدرۆس ئەدهانۆم، بەڕێوەبەری گشتیی ڕێکخراوی تەندرووستی جیهانی لە سەکۆى تایبەتى خۆى لە ئێکس دەڵێت: بە ئامانجگرتنی شوێنە ئەتۆمییەکان مەترسییەکی گەورە بۆ سەر تەندرووستیی گشتی و ژینگە درووست دەکەن.
گوتیشی: ئەمەش دوای پەلاماردانی وێستگەی ئەتۆمیی نەتەنز لە ئێران و بەئامانجگرتنی شاری دیمۆنای ئیسرائیلی کە دامەزراوەیەکی ئەتۆمیی لەخۆگرتووە هاتووەتە ئاراوە.
دەشڵێت: ڕێکخراووکەمان مەشق و ڕاهێنانی گرنگ بە کارمەندەکانی دەکات و لە ڕێگەی ژمارەیەک تیمەوە هەوڵدەدات کارمەندانی ڕێکخراوەکەیان لە مەترسییەکانی هەر ڕووداوێکی ئەتۆمیی هۆشیار بکاتەوە