محەمەد ئامۆکەیی بەرپرسی راگەیاندنی بەڕێوەبەرایەتی تەندروستی شەقلاوە رایگەیاند، بەرەبەیانی ئەمڕۆ تەرمێک گەیەندراوەتە بەشی فریاکەوتنی نەخۆشخانەی هەریر، کە بەهۆی بەرکەوتنى هەورە بروسکە گیانیلەدەستداوە.
گووتیشی: ئەو گەنجە تەمەنی 27 ساڵە و ناوی عەبدولرەحمان لوقمانە و خەڵکی گوندی ناوشیوانی سەرووى سەر بە شارۆچکەى هەریرە.
باسیلەوەشکرد: لە گوندی سەرکەور ئەو گەنجە گیانیلەدەستداوە، کە پیشەى شوان کارە بووە.
ئەوەشیخستەڕوو: ئەو گەنجە خوێندکاری قۆناغی دووەمى بەشى ماتیماتیک بووە لە زانکۆى سەلاحەدین.