بافڵ جەلال تاڵەبانی، سەرۆکی یەکێتیی نیشتمانیی کوردستان، بەبۆنەی هاتنەوەی جەژنی پیرۆزی قوربانەوە پەیامێکی بڵاوکردەوە و تێیدا وێڕای ئاراستەکردنی پیرۆزبایی لە موسڵمانانی هەرێمی کوردستان، عێراق و جیهان، هیوای خواست ئەم جەژنە ببێتە مایەی خێر و خۆشی بۆ گەلی کورد.
سەرۆکی یەکێتی لە پەیامەکەیدا جەختی لە گرنگیی تەبایی و یەکڕیزی کردەوە و ڕایگەیاند: "ئومێدەوارم ئەم بۆنە پیرۆزە خێر و خۆشی بۆ میللەتەکەمان بهێنێت و ببێتە مایەی قووڵکردنەوەی گیانی لێبووردەیی."
بافڵ تاڵەبانی لە بەشێکی دیکەی پەیامەکەیدا، داوای لە لایەنە سیاسییەکان کرد کە ئەم دەرفەتە بۆ یەکخستنی ڕیزەکان بقۆزنەوە و ئاماژەی بەوە کرد، پێویستە ئەم جەژنە "هاندەرمان بێت بۆ پتەوکردنی پەیوەندییەکان، تاوەکو هەموومان پێکەوە بە هەڵوێستێکی نیشتمانییانەوە کار بۆ چارەسەرکردنی کێشەکان و بونیادنانی داهاتوویەکی سەقامگیرتر بکەین."