Formula 1 piştî "nirxandinên baldar" gihîşt wê encamê ku ji ber pevçûnên berdewam ên li seranserê herêmê, lidarxistina her du pêşbirkan ne ewle ye.
Pêşbirka Behrêynê ya ku li Sakhir ji bo 10-12'ê Nîsanê hatibû plankirin, lê pêşbirka Siûdî li Ciddeyê dê hefteyek şûnda pêk bihata.
Pêşbirk nayên ji nû ve plankirin û nayên guhertin, ji ber vê yekê sezona F1 dê bibe 22 pêşbirk.
Her wiha dê di navbera Grand Prix-a Japonya ya 27 heta 29'ê Adarê û Miamiyê ya 1-3'ê Gulanê de ku ji navberek pênc hefteyan pêk tê de be.
Di derbarê vê betalkirinê de Serok û rêveberê giştî yê F1 Stefano Domenicali axivî û got:
"Her çend ev biryarek dijwar bû jî, mixabin di vê qonaxê de, bi berçavgirtina rewşa heyî ya li Rojhilata Navîn, ew biryarek rast e.
Ez dixwazim vê derfetê bikar bînim da ku spasiya FIA û her wiha pêşvebirên me yên bêhempa ji bo piştgirî û têgihîştina wan a tevahî bikim."
Domenicali wiha berdewam kir: "Gava şert û merc destûrê bidin me em ê dîsa vegerin."
Serok û rêveberê giştî yê F1 Stefano Domenicali wiha dawî li axftina xwe anî:
Pêşbirk dê zirarek bi qasî 100 mîlyon £ bibîne
"Betalkirina dawiya hefteyên pêşbirkan tê vê wateyê ku werzîş dê zirareke bazirganî ya zêdetirî 100 mîlyon £ bibîne.
Ji ber ku Behreyn û Erebistana Siûdî du ji mezintirîn xercên mêvandariyê li ser rêgehê didin."
Li gorî avahiya dahata tevlihev a werzîşê, ew pere di navbera 11 tîman û F1 bi xwe de tê parvekirin.
