Îddîaya Hûsiyan û sedema êrîşê
Hûsiyan diyar kirin ku wan duh bi hejmarek dronan parzûngeha petrolê ya Aramco ya li herêma Cîzanê bombebaran kiriye. Hûsî îddîa dikin ku wan ev êrîş wek bersivek li dijî binpêkirina qada hewayî ya li ser parêzgehên Saade û Hecceyê pêk aniye. Li gorî agahiyên ku ajansa AFP belav kirine, di vê êrîşê de zarokek birîndar bûye.
Paşxaneya aloziyê û binpêkirina agirbestê
Ev êrîş piştî daxuyaniya Hûsiyan a meha Tîrmehê ya derbarê "dorpêça deryayî ya li ser Erebistana Siûdî" re hat. Tevî ku di sala 2022'an de di navbera her du aliyan de agirbest hatibû ragihandin jî, ji ber şer û rageşiya di navbera Îran û Amerîkayê de ev agirbest hat binpêkirin. Hûsî ku wekî baskekî Dewleta Îranê yê li Yemenê tên naskirin, ev demeke dirêj e keştiyên Erebistana Siûdî hedef digirin.
