وەزارەتی دارایی و ئابووریی هەرێمی کوردستان ڕایگەیاند، تیمی تەکنیکیی وەزارەتەکە لیستی مووچەی مانگی حوزەیرانی فەرمانبەران و مووچەخۆرانی هەرێمی کوردستانی ڕادەستی فەرمانگەی ژمێریاریی وەزارەتی دارایی حکومەتی فیدراڵ کردووە.
بەگوێرەی ڕاگەیەندراوەکەی وەزارەتی دارایی کە ئەمڕۆ چوارشەممە بڵاوکراوەتەوە، هاوشانی لیستی مووچەی مانگی 6، ڕاپۆرتی تەرازووی پێداچوونەوەی مانگی ئایاریش بە فەرمی ڕادەستی بەغدا کراوە.
ئەمەش بە مەبەستی وردبینیکردن و خەرجکردنی شایستە داراییەکانی مووچەخۆرانی هەرێمی کوردستان.