حکومەتی کوبا بڵاویکردەوە، بەهۆی بەزاندنی سنوری ئاویی وڵاتەکەوە، چوار کەسیان کوشتووە.
حکومەتی کوبا دەڵێت، لەلایەن بەلەمێکەوە، کە ئاڵای ئەمریکای هەڵکردبوو روبەڕوبونەوە دروستبووە و لەنێو بەلەمەکە چوار کەس کوژراون و شەشی دیکەش برینداربوون.
لە کاردانەوەی رووداوەکە مارکۆ رۆبیۆ، وەزیری دەرەوەی ئەمریکا رایگەیاند، پێش ئەوەی حکومەتی کوبا هیچ راگەیەندراوێک بڵاوبکاتەوە ئاگاداری رووداوەکە بووین، هەردوو وەزارەتی ناوخۆ و دەرەوە سەرقاڵی لێکۆڵینەوەن، چونکە ناتوانین پشت بە قسەکانی کوبا ببەستین و لە دەرئەنجامەکەی ئاگادارتان دەکەینەوە.
هاوکات ئاژانسی ئەسۆشەیتد پرێس لەبارەی ناسنامەی بەلەمەکەوە دەڵێ، پێدەچێت لە ویلایەتی فلۆریدای ئەمریکا تۆمارکرابێت و هاوڵاتییەکانیش ئەمریکی بن، بەڵام بەڵگەی پێویست نییە ،چونکە داتاکانی ئەو ویلایەتە پارێزراون و ناتوانرێت بزانرێت.