مارک ڕووتە، سکرتێری گشتیی ڕێکخراوی پەیمانی باکووری ئەتڵەسی (ناتۆ)، پاڵپشتیی تەواوی خۆی بۆ هێرشە سەربازییە نوێیەکانی ئەمریکا بۆ سەر ئێران دەربڕی و ڕایگەیاند، ئەم هێرشانە "پڕ بە پێست" بوون.
ڕووتە ئەمڕۆ چوارشەممە، لەگەڵ دەستپێکردنی کۆبوونەوەکانی لووتکەی سەرۆک و ڕێبەرانی ناتۆ لە ئەنقەرە، لە لێدوانێکدا بۆ ڕۆژنامەنووسان گوتی: "کاتێک ڕێککەوتنی ئاگربەست لە ئارادایە و ئێران بە شێوازێکی بەرفراوان پێشێلی دەکات، من پێموایە یەکجار پێویست و گرنگە کە ویلایەتە یەکگرتووەکانی ئەمریکا بە توندی و بە هێزەوە وەڵامی بداتەوە".
ئەم لێدوانەی ئەمینداری گشتیی ناتۆ هاوکاتە لەگەڵ دەستپێکردنی کارەکانی 36ـەمین لووتکەی ناتۆ لە کۆشکی سەرۆکایەتیی کۆمار لە ئەنقەرە، کە تێیدا دۆخی ئەمنی و سەربازیی ناوچەکە و جیهان و ڕێوشوێنەکانی بەرەنگاربوونەوەی ئاڵۆزییەکان لە لایەن وڵاتانی ئەندامەوە تاوتوێ دەکرێن.