دوران کاڵکان، ئەندامی زانستە کۆمەڵاتییەکانی عەبدوڵا ئۆجالان ڕایگەیاند، لەگەڵ پەرەسەندنی پڕۆسەی ئاشتی، هێرشی دژبەرەکان ڕوویان لە هەڵکشان کردووە و ئاماژەی بەوەشکرد، لە ئێستادا قۆناغێکی مێژوویی سیاسی و یاسایی لە پڕۆسەی ئاشتی دەستیپێکردووە.
دوران کاڵکان لەمیانەی چاوپێکەوتنێکی تەلەڤزیۆنی دا گوتی، پراکتیزەکردنی پڕۆسەی ئاشتی تەنیا لەلایەن ئۆجالانەوە ئەنجامدەدرێت و دامەزراندنی چوار لیژنەی لاوەکی تایبەت بە یاسای چوارچێوەش گرنگە.
دەشڵێت، هەندێک لایەنی دژبەر لە ناوخۆ و دەرەوەی وڵات هەن، کە دەیانەوێت پڕۆسەکە سەرنەکەوێت و قۆناغی شەڕ و پێکدانان دەستپێبکاتەوە.
کاڵکان گوتیشی، هیوادارن لیژنەکانی یاسای چوارچێوە هەنگاوەکانیان سەبارەت بە گۆڕینی هەلومەرجی عەبدوڵا ئۆجالان و شێوازی بەڕێوەبردنی کارەکانی دەستبەجێ ئەنجامبدەن.