هەواڵگرییەکانی ئەوروپا ئاشکرای دەکەن، ڤلادیمێر پوتین، بەهۆی زیادبوونی مەترسییە ئەمنییەکانەوە، ئێستا ژیانێکی تەواو گۆشەگیری هەیە و کەمتر لە جاران لە مۆسکۆ دەبینرێت و ڕێکارە ئەمنییەکانی دەوروبەری بینای سەرۆکایەتی و پشکنینی کارمەندانیش گەیشتووەتە بەرزترین ئاست.
ڕاپۆرتە هەواڵگرییەکانی ئەوروپا ئاشکرای دەکەن، ڤلادیمێر پوتین، سەرۆکی ڕوسیا بەهۆی زیادبوونی مەترسییە ئەمنییەکانەوە، ئێستا ژیانێکی تەواو گۆشەگیر و لە ناو پەناگە پارێزراوەکاندا بە سەر دەبات.
بەگوێرەی زانیارییەکان، پوتین کەمتر لە جاران لە مۆسکۆ دەبینرێت و سەردانەکانی بۆ بنکە سەربازییەکان و ڤێلا تایبەتەکانی لە "ڤاڵدای" ڕاگرتووە، لەبری ئەوە لە ناوچە دوورەدەستەکانی وەک کەناراوەکانی دەریای ڕەش نیشتەجێ بووە.
لە راپۆرتەکاندا هاتوە کە ئەم ڕێکارە توندانە تەنیا لەبەر هێرشە درۆنییەکانی ئۆکرانیا نییە، بەڵکو پەیوەندی بە ترسی پوتین لە هەڕەشە ناوخۆییەکان و گۆڕانی هێز لەناو کرێملیندا هەیە.