ئه‌مڕۆ شه‌ممه سێ درۆن له قه‌زای سۆرانی سنوری ئیداره‌ی سۆران كه‌وتنه‌خواره‌وه و زیانی گیانیان به‌دواوه نه‌بووه.
بەرگریی شارستانیی قەزای چۆمان لە ڕاگەیەندراوێکدا دڵنیایی دایە هاوڵاتییان سەرەڕای نزیکیی شوێنی کەوتنەخوارەوەی درۆنەکان لە ناوچە گشتیی و نیشتەجێبوونەکان، دەڵێت، ڕووداوەکە هیچ زیانێکی گیانی لێنەکەوتووەتەوە.
ئاماژە بەوەشکراوە، درۆنەکان لە چەند خاڵێکی جیاوازی ناوەندی قەزاکە و دەوورووبەری کەوتوونەتە خوارەوە، بە جۆرێک درۆنی یەکەم لە ناوەندی قەزاکە لەناو حەوشەی بەڕێوەبەرایەتیی چاودێریی کۆمەڵایەتی چۆمان کەوتووەتە خوارەوە، کە شوێنێکی گشتی و کارگێڕییە.
دەشڵێت، دوو درۆنەکەی دیکە لە ناوچەی نیشتەجێبوون بووە لە نزیک شوقەکانی "وەردە" کەوتوونەتە خوارەوە، کە ناوچەیەکی پڕ لە دانیشتووانە.