پۆلیسی سلێمانی دەڵێت، ئارامگای پیرەمێردی نەمر نەشێوێندراوە ئەو هەواڵانە دوورن لە ڕاستییەوە.
بەڕێوەبەرایەتی پۆلیسی پارێزگای سلێمانی لە ڕاگەیەنراوێکدا دەڵێت، ئەو هەواڵانەی باس لە شێواندنی ئارامگای پیرەمێردی شاعیر دەکەن دوورن لە راستییەوە، بەڵکو تەنها تابلۆیەکی سەر گۆڕەکە کە لە فایبەری تەختە دروست کراوە شکاوە و لەوانەیە بەهۆی باى بەهێز یان بەهۆی گۆرانکاری کەشوهەواوە زیانی بەرکەوتبێت.
جەختییان لەوەشکردەوە، بەهیچ جۆرێک گۆڕەکە زیانی بەرنەکەوتووە و پێ ناچێت تاوانکاری بێت .