ڤلادیمێر پوتین، سەرۆکی ڕووسیا و ئەحمەد شەرع، سەرۆکی دەسەڵاتی کاتیی سووریا پەیوەندییەکی تەلەفۆنییان ئەنجام دا و جەختیان لە پته‌ویی پەیوەندییە سیاسی و دیپلۆماسییەکانی نێوانیان و یەکپارچەیی خاکی سووریا کردەوە.
کۆشکی کرملین ڕایگەیاند کە پوتین دڵنیایی داوە ڕووسیا لەگەڵ سەقامگیریی سووریایە لە ئێستا و داهاتووشدا و پشتیوانی لە سووریا دەکات بۆ بوژانەوە و سەروەریی خاکەکەی.
هاوکات سەرۆکی ڕووسیا داوای لە ئەحمەد شەرع کردووە هاوکار بێت بۆ ڕێگاخۆشکردن و ڕێکخستنەوەی دوو بنکەی سەربازیی ڕووسیا لەو وڵاتەدا.