ئەمریکا دەستپێکردنی هەڵمەتێکی بەرفراوانی ئابووریی دژی ئێران ڕاگەیاند

 سکۆت بەسێنت وەزیری گەنجینەی ئەمریکا دەستپێکردنی ئۆپەراسیۆنێکی بەرفراوانی ئابووریی بە ناوی "ئۆپەراسیۆنی دابڕاوی ئابووری" دژی ئێران ڕاگەیاند، بە ئامانجی بڕینی تەواوی سەرچاوە داراییەکانی ئەو وڵاتە لەسەر ئاستی جیهان.

وەزیری گەنجینەی ئەمریکا، سکۆت بەسێنت ڕایگەیاند کە لەژێر سەرپەرشتیی دۆناڵد ترەمپ، ئەمریکا چیدی مامەڵە لەگەڵ مەترسییەکانی ئێران ناکات بەڵکو کۆتایی پێدەهێنێت. ناوبراو ئاماژەی بەوە کرد کە ئۆپەراسیۆنێکی ئابووریی گەورە دەستی پێکردووە بۆ پچڕاندنی هەموو پەیوەندییە داراییەکانی تاران لە جیهاندا، تا ئەو کاتەی بەتەواوی گۆشەگیر دەبێت.

بەسێنت جەختی کردەوە لە جێبەجێکردنی سیاسەتی "سفر دزەکردن" بۆ ڕێگریکردن لە هەر سەرچاوەیەکی داهات کە بۆ سوپای پاسداران و ئێران دەچێت. هەروەها ئاشکرای کرد کە ترەمپ پەیوەندیی بە سەرکردەکانی جیهانەوە دەکات تا کۆتایی بە پەیوەندییە ئابوورییەکانیان لەگەڵ تاران بهێنن، هۆشداریشی دا کە هەر دامەزراوەیەک ئاسانکاری بۆ فرۆشتنی نەوتی تاران بۆ پارە بکات، لە سیستەمی دۆلاری ئەمریکی دەردەکرێت.